Sut mae Heddlu Gogledd Cymru’n defnyddio cyfryngau cymdeithasol?

Mae Heddlu Gogledd Cymru’n cefnogi’r defnydd o gyfryngau cymdeithasol fel ffordd arall o gyfathrebu â’r cyhoedd yr ydym yn eu gwasanaethu.

 

Mae ein rhwydweithiau – sy’n cynnwys Twitter, Facebook ac You Tube yn darparu pobl â ffordd wahanol o gael mynediad i’r newyddion, apeliadau a gwybodaeth ddiweddaraf yn gyflym.

 

Drwy ein safleoedd rhwydweithio cymdeithasol, gall unrhyw un yn y byd gael diweddariadau rheolaidd am yr hyn sy’n digwydd yn ardal Heddlu Gogledd Cymru.

 

Mae safleoedd rhwydweithio cymdeithasol yn ffordd rad o gyfathrebu y gallwn ei defnyddio i gyfathrebu yn gyflym ac yn eang.

 

Twitter

Gan ddefnyddio llai na 140 o lythrennau yn debyg i neges testun, rydym yn gallu 'trydaru' ein newyddion, cyngor a diweddariadau diweddaraf.

 

Gallwn hefyd ‘ail-drydaru’ neges neu ei hanfon ymlaen i’r bobl sy’n ein dilyn sy’n golygu y gellir anfon sgyrsiau neu wybodaeth ymlaen yn gyflym. Mae wedi profi’n declyn hynod effeithiol wrth ddiweddaru’r cyhoedd am bethau wrth iddynt ddigwydd.
Dilynwch Heddlu Gogledd Cymru ar Twitter (@NWPolice)

 

Mae Swyddogion a SCCH yn defnyddio’r dechnoleg fel ffordd arall o gyfathrebu â thrigolion. Yn aml iawn byddant yn ‘trydaru’ tra fyddant ar ddyletswydd a gall aelodau o’r cyhoedd gael gwir syniad am fywyd gwaith swyddog neu aelod o staff drwy ddilyn eu gweithgareddau dyddiol.

 

Mae’r staff sy’n ‘trydaru’ ar hyn o bryd yn cynnwys:

 

Facebook

Mae gan ein cyfrif Facebook dros 2,000 o ddilynwyr ar hyn o bryd. Mae bellach yn gymuned fyw ar-lein lle ceir rhyngweithio rheolaidd rhyngom ni a’r cyhoedd yng Ngogledd Cymru.

 

Bydd gwybodaeth am ein mentrau a’n hymgyrchoedd diweddaraf yn cael eu rhoi ar ein safle Facebook, lle caiff defnyddwyr eu hannog i wneud sylwadau ar yr hyn yr ydym wedi’i nodi neu i ‘hoffi’ yr hyn yr ydym wedi’i gynnwys.

 

Mae galerïau lluniau, arolygon ar-lein, dolenni i adnoddau eraill a chyngor a chymorth atal trosedd i gyd wedi profi’n boblogaidd.

 

Dewch o hyd i ni ar Facebook

 

 

YouTube

Mae galerïau lluniau, arolygon ar-lein, dolenni i adnoddau eraill a chyngor a chymorth atal trosedd i gyd wedi profi’n boblogaidd.

 

Rydym yn croesawu sylwadau ar ein fideos, fodd bynnag, nid ydym yn gallu ymateb i’r holl sylwadau yr ydym yn eu cael drwy ein fideos You Tube.

 

Mae fideos, yn y gorffennol, wedi cael eu gwylio hyd at 14,000 o weithiau ac wedi ymddangos ar raglenni newyddion cenedlaethol gan gyrraedd cynulleidfaoedd ledled y wlad a thu hwnt.

 

Gwyliwch ni ar YouTube

 

Ni ddylid defnyddio rhwydweithiau cymdeithasol i riportio troseddau.

Os oes trosedd yn digwydd a’ch bod mewn perygl, ffoniwch 999.

Os ydych chi’n dymuno cysylltu â Heddlu Gogledd Cymru mewn achos difrys, ffoniwch 101.