Mae’r heddlu’n apelio am dystion a gwybodaeth yn dilyn gwrthdrawiad angheuol ym Mrynteg, Wrecsam neithiwr (nos Fawrth, y 30ain o Fedi).

Toc ar ôl 11:30, derbyniodd Heddlu Gogledd Cymru adroddiadau am wrthdrawiad ffordd yn Long Lane ym Mrynteg, Wrecsam.

Aeth swyddogion yno a darganfuwyd fan wen a oedd wedi troi drosodd. Roedd y fan wedi gwrthdaro â thri cherbyd cyn troi.

Cadarnhawyd fod person 21 oed a oedd yn teithio yn y fan wedi marw yn y fan a’r lle.

Nid oes rhagor o fanylion ar gael ar hyn o bryd hyd nes mae aelodau o’r teulu wedi cael gwybod am y farwolaeth.

Mae’r heddlu’n apelio am dystion a dylai unrhyw un sydd â gwybodaeth gysylltu â’r Uned Plismona’r Ffyrdd y Rhanbarth Ddwyreiniol ar 0845 607 1001 (llinell Gymraeg) neu 0845 607 1002 (llinell Saesneg).